Twins出席無綫娛樂新聞台開播 (11.7.06)

無綫娛樂新聞台舉行啟播亮燈儀式，無論大細卡士藝人、歌手齊齊賣口乖，自稱TVB子女的Twins更願開放閨房任影唔嬲，唯獨純粹畀面出席的成龍及黎明，句句有骨明捧暗寸TVB玩壟斷。
無綫收費電視娛樂台昨晚假四季酒店舉行啟播亮燈派對，劉德華、黎明、成龍、曾志偉、汪明荃及鄭裕玲代表歌影視，與無綫副行政主席梁乃鵬、電視業務總經理陳志雲主持亮燈儀式。

晚上七時許，不少歌手藝人及娛樂公司高層陸續抵達，英皇歌手容祖兒、Twins、吳浩康、Yumiko等聯袂到賀，問Twins有否看見緋聞男友鄭中基及方力申時，阿Sa（蔡卓妍）表示不作任何回應，而阿嬌則大方稱大家都是TVB子女，如果見到一定會打招呼。首次自稱TVB女兒的Twins願意開放閨房任娛樂新聞台拍攝，阿Sa說：「我好婆仔，成間房都係盒，要執好間房先可以影。」阿嬌則說：「如果間房太亂，咪搵朋友間房頂住先。」原來劉德華二十年前也曾接受無綫家居訪問，現在更自薦做烹飪節目。

這邊廂有人甘心向無綫效忠，但黎明及成龍卻冇有怕，齊齊明嘲暗諷揶揄無綫玩壟斷，曾經主持有線娛樂新聞台啟播儀式的成龍，當問他可為無綫娛樂新聞台做甚麼時，他說：「我冇合約在身，家家唱歌都得，其實美國一早已經係咁，香港應該改變。（你係咪話TVB玩壟斷？）唔係！可能東南亞簕方式係咁，但應該由大企業開始改變。（係咪有使命感去改變？）唔係，應該由大企業去做，係要搵人犧牲。」

黎明唔怕同金城武比
至於跟成龍同聲同氣的黎明，當問他可為娛樂台做甚麼節目，他一味推搪：「依家都冇人搵我，假設性簕問題唔答，到時睇有冇時間、有冇新聞性、同埋有冇價值。」對於舊愛舒淇大讚金城武，他說：「佢係個令人心跳簕男士，如果我係女仔，都會為佢心跳。我同佢合作過，佢係一個好演員。（若果將你兩個比較呢？）欣賞我同鍾意我簕，都係鍾意我。」