Twins阿佘中秋估估下 (10.03)

Twins集兩人力量，照理成績應該加倍，可惜最終只係答中兩條。唔好睇阿Sa（蔡卓妍）平時嬉皮笑臉，佢玩起上嚟好認真，遇到唔識嘅問題仲周圍問人，不 過佢嘅答案真係笑料百出。問佢嫦娥嘅老公係邊個，佢竟然答係太陽神：「我記得同太陽有關……係太陽神！（太陽神係希臘神話！）係呀，同希臘有關！大 家都係神仙，又住係天上面！」中秋節明明係中國節日，佢竟然可以扯到希臘神話咁遠，真係畀佢激死，不過好彩身旁嘅阿嬌（鍾欣桐）記得係后羿，先答中番！

到燈籠嘅題時，阿Sa又好醒咁話：「燈籠用嚟嚇走怪獸咯囖！（你指年獸？嗰個係新年！）咩呀！用途都係一樣，都係用嚟驅邪捉鬼，等魔鬼見到都唔敢入屋！」在旁嘅阿嬌冇佢咁好氣！