阿嬌為供樓五勞七損 霍汶希﹕係我迫佢買樓 (01/11/06)

以「凹凸絕配」來形容Twins真的沒錯，阿Sa愛 說話愛撒嬌，而阿嬌就沉默寡言，愛鑽牛角尖，遇到唔開心的事就會粒聲唔出，收埋o係心﹔這幾年，阿嬌雖然名利雙收，但身體卻愈來愈差，周身病痛兼無覺好 (目訓)，為o左減壓，阿嬌試過月花六位數字買衫，後來我迫她買樓投資，為自己將來打算一下，結果呢﹖依家阿嬌已經有兩個物業 手，為將來鋪路。

在 我眼中，阿嬌比較內向、愛鑽牛角尖，遇到挫折或唔開心的事，都會收收埋埋，嘿﹗佢最鍾意就係喊，我好記得早前陪Twins出席「新城勁爆國語力頒獎禮」， 臨出場前五分鐘，我在後台見到阿嬌穿住條背心裙完全沒有修身剪裁，視察效果下，令阿嬌的纖腰變成「水桶腰」，我隨口說﹕「阿嬌，你條裙……不如搞搞佢啦， 好肥呀。」

話口未完，阿嬌忽然「嘩」一聲喊到收唔到 聲，成個妝花晒，大家瞪了我一眼後，便快手快腳拉開阿嬌，遠離一個見唔到我的地方。那刻我都心知不妙，但又唔敢去 (乙水)阿嬌，怕佢見到我再喊過，只好不斷叫阿Sa (乙水) 阿嬌唔好喊。大家要明白，當時只剩五分鐘就要上台領獎，幸好最後都趕得切補妝上台，以後我亦學懂忍一時風平浪靜，退一步海闊天空之道理。


阿嬌買樓為將來

阿嬌因為工作壓力大，要藉買衫來減壓，曾 試過一個月花掉十多萬元置裝費，看到她毫不節制，我不禁苦口婆心地跟她說﹕『藝人買衫裝身要適可而止，與其不斷買衫，倒不如買層樓投資﹖將來唔係淨得堆衫 陪自己。』起初阿嬌好抗拒，擔心買樓責任大，怕自己負擔不起，結果呢﹖我為她作主買了第一個物業投資，現在她有兩層樓 手，每個月的收入撥一半數拿作供樓之用，現在物業已升值，證明我迫她買樓是對的。


拍戲受傷令人心痛

Twins常常分開拍電影的關係，引致外 間不斷揣測她們拆夥，其實我覺得一部電影，很難可以令兩位女主角能有相等戲份之餘，各自難以發揮得更好演技，早陣子我把Twins分拆拍戲，咁做就唔會分 薄彼此戲份﹔其實阿嬌很享受做「打女」角色，即使每次拍戲都受傷，但阿嬌仍堅持繼續做「打女」，記得有一次，阿嬌在內地拍武打戲，結果傷到筋骨，要漏夜返 港睇醫生﹔其實這幾年來，阿嬌的身體愈來愈差，有多病痛，就連舊患都成日翻發，我見到阿嬌咁都覺得很心痛，但是每次拍武打動作片，大多數都會以阿嬌為主， 阿Sa就以文戲為主。


有得做無得食

以前是田徑健將的阿嬌，小腿有點粗，為了 小腿更幼，所以阿嬌的起心肝節食減肥，大家都知阿Sa就食極唔肥，但阿嬌為o左唔再俾人笑，每次都食好少，好記得有次到片場探班，當時Twins正在放 飯，由於阿嬌要減肥，所以自備一罐小型吞拿魚罐頭作午餐，正當阿嬌興高采烈以為有得開餐之際，我自動請纓，話幫她開罐頭，結果唔小心拉斷了罐頭拉環，我尖 叫了一聲，全場人呆o左望住我，噢﹗我的天，因為我的大意，令阿嬌無飯食。

一直以來，Twins每次有何請求都是由阿Sa出面向我撒嬌的，但有次阿嬌打畀我o衣o衣哦哦左一輪後，阿Sa忍唔住搶左個電話同我講希望可以請假去玩，細問下，阿Sa話﹕「哎呀，次次都係我講，阿嬌成日都口窒窒。」嘿﹗仲話唔係一凹一凸﹖