Twins精選賀年版炒價逾千 (02.15)

Twins剛剛推出的精選集《我們相愛六年》銷售情況非常理想，「賀年版」加單多次，而「超大豪裝」的一千五百張限量版更全數售罄，在旺角某些唱片舖更出 現炒賣過千元的情況，為了賀年版加送的MV，Twins竟要狂食杯麵，不過今年過肥年，兩人當然不介意。而昨日Twins到北京宣傳，竟不斷叫江道海導演 做填鴨，原來是導演欠了她們一頓填鴨大餐。
【新報訊】當Twins得悉新碟有炒價時都不禁反問﹕「﹗真係炒到成千銀﹖」談到她們可以過肥年時，蔡卓妍(阿Sa)笑說﹕「梗係開心啦﹗我都祝大家 齊齊過肥年啦﹗」之後阿Sa就賣花讚花香地說︰「其實今次隻碟又真係好有收藏價值，隻隻有晒編號，獨一無二喎﹗「賀年版」仲有草蜢同我一齊合唱首《紅噹 噹飛吻》MV同製作花絮，真係兩款都各具特色。」而鍾欣桐（阿嬌）則說﹕「其實真係要多謝蔡一智﹗因為佢幫我設計今次大碟封套外，又幫我製作賀年歌， 仲同我合唱，真係身體力行，出心又出力呀﹗相信聽到銷量好，除我開心之外，草蜢都一樣咁開心﹗」
而拍攝《紅噹噹飛吻》MV當日，除了Twins及「草蜢」三子外，更請來Sun Boy'Z客串做茶餐廳夥計，Twins於MV內就狂食杯麵，問她們究竟吃了多少杯麵時，Twins憶述說﹕「好似都有十幾個，不過，我都醒目，每換一 個Shot就換一個味道，咁樣食落咪冇咁悶囉﹗」