阿Sa自封可惡教主惹人愛 (4.02)

古巨基與蔡卓妍前晚出席《甜心粉絲王》謝「絲」宴，在戲中有感情線的二人，除了有「床戲」外，更親暱至玩「腳趾」，不過基仔笑言至今最難忘的親熱戲對手，竟是周海媚。
古巨基、蔡卓妍（阿Sa）、張致、葛民輝、王晶及王子涵（王晶女兒）等，前晚出席《甜心粉絲王》謝「絲」宴，齊齊炮製味道怪異的「甜味粉絲」給王晶品嘗，吃得他頻頻皺眉，場面搞笑。

問到在戲中有感情線的阿Sa與基仔有否親熱戲時，阿Sa苦口苦面說：「有場戲要我基仔隻腳度玩橡筋。（有冇要求佢洗腳？）都乾淨，初初都驚有味！（有冇床戲？）有，不過只係度傾偈。」

阿Sa笑言最難忘的親熱戲對手並不是基仔，而是曾與她拍咀戲的劉德華，而基仔亦不甘示弱，表示最難忘的親熱戲對手是周海媚：「陣拍《求戀期》，我同佢有場都幾激床上戲，仲要獻埋螢幕初吻。不過最尷尬係我多手汗，但又要拍摸胸戲，結果搞到佢件衫全部係我手汗漬。」　

力撐蘭身形OK
前晚特意提早到場的阿Sa，原先想早點完成宣傳活動趕赴欣賞蘭演唱會，豈料卻被基仔破壞好事，事緣忙於綵排回歸活動的他，足足遲了大半個小時才抵達，連 累阿Sa呆等兼遲走，令她大嘆不幸。談到蘭最近被取笑身形肥胖時，阿Sa為她抱不平的說：「我唔覺喎！佢成個身形比例都好OK，而且我睇過討論區，佢榮 登可愛主第一名！（咁你呢？）我係可惡主咯！」阿Sa笑言不喜歡被讚可愛，是因為只有不漂亮的女孩才會被冠以「可愛」銜頭予以安慰：「我鍾意人話 我有性格。（男友呢？）我鍾意佢讚我好，以前我都成日逼男友狂讚我。」