阿嬌Fans抗議促道歉(2006.08.24)

日前有雜誌封面圖文並茂報道阿嬌(鍾欣桐)在大馬演出時，在更衣室換衫情況，隨即引來各界極大迴響。阿嬌的各地歌迷眼見偶像遭偷拍，遂發起網上聯署行動，以「抗議非法侵奪私隱行為」為號召，促請該雜誌正式公開道歉及不再刊登同類題材。而Main接受商台電話訪問其間，亦大力呼籲保護婦孺。

偷拍換衫事件報道一出，除惹來演藝界公憤外，亦令歌迷齊聲抗議，該聯署行動網站為「http://www.petitiononline.com/twins822/petition.html」，並由阿嬌歌迷發起，並不以歌迷會名義，收集世界各地阿嬌歌迷及市民的簽名，當中除了香港、國內、越南、台灣、馬來西亞、新加坡、日本、泰國、韓國等亞洲地區，遠至澳洲、美國、加拿大等地亦有歌迷在網上聯署，至昨晚已有逾四千個簽名，齊聲譴責該雜誌違反職業操守。
　　至於Twins的經理人霍汶希(Mani)昨日接受商台「巴巴閉　邊個夠我查篤撐」電話訪問，談到阿嬌被偷拍一事。在節目內，對阿嬌偷拍照成為雜誌封面一事有何看法進行投票，3個答案分別為(A)反感，(B)沒感覺，(C)又要罵又要看。Mani說﹕「我揀A，真係好反感﹗而家偷影成風，大家都好似習慣咁﹗但今次係非一般偷拍，我已經出律師信畀本雜誌﹗」Mani又談到那批照片曝光當日，公司已立即派兩位同事去照顧阿嬌，當日阿嬌心情低落，哭得面也腫了，拍不到戲，拖慢了半日拍攝進度，很不好意思。由於阿嬌在深圳拍電影《雙子神偷》，有不少武打場面，Mani希望阿嬌可快點收拾心情，擔心她不慎會受傷。

可能有內鬼

而就事件Mani已向雲頂方面作了解，正在調查是否在更衣室內裝上了針孔攝錄器。Mani又指平日每次都會小心檢查更衣室，也得知該更衣室平日有上鎖，未知是否有內鬼，一切仍在調查當中，不便講太多。Mani亦有就事件向該本雜誌作了解，她說﹕「我真係有問﹗(佢會講﹖)問冇蝕底，佢有畀到答案，但唔方便講，都係靠自己。當時阿Sa(蔡卓妍)都更衣室裏面，阿嬌擋佢個位所以影唔到，都好擔心會有其他相，尺度問題可能佢\\未必登。公司、經理人角度除發律師信，希望可以番相，將藝人傷害減到最低。我都唔敢上深圳睇阿嬌，怕佢一見到我就喊，再整喊佢\\到時俾劇組趕走﹗(有冇聯絡演藝人協會幫手﹖)徐小明先生都有問過我有冇需要幫手，好多謝大家關心阿嬌。(有冇婦女團體搵你﹖)相信好多婦女團體會關心呢件事，Twins本身都幫護苗呼籲保護小朋友，雖然佢唔係小朋友，但婦孺係要保護，希望會做更多保護婦女宣傳。」