阿嬌獻初吻逗B拎K分（10.8）

Twins日前以一身女飛賊造型，找來人氣BB Matthew拍攝Neway全新電視宣傳片。為BB開心，阿嬌與阿Sa犧牲色相喪做鬼臉，BB醒目回敬咀姐姐，Twins即場晒！

日前Twins為Neway拍攝「100萬K分」宣傳片，而「男主角」則是人氣BB Matthew。不過可能因為拍攝時間太長，Matthew頻頻扭計，但一見到Twins即醒並大嗌「姐姐」，爆的Twins即將帶來他的玩具及糖 果傾巢而出，到Matthew連媽咪也不理。臨走時Matthew還主動派吻，嘟長嘴仔咀阿Sa，又與阿嬌Goodbye Kiss，事後阿嬌笑說：「我第一次同廣告男主角Kiss，好興奮！」

就算未埋位時，Twins亦走到攝影機後狂做鬼臉，古靈精怪地Matthew望鏡頭。雖然只是短短十秒鏡頭，但足足拍了個多小時。另一場則是由 Twins追住Matthew送K分的鏡頭，但他竟覺得好玩反追Twins，結果變成互捉，搞到Twins跑到氣咳，阿嬌喘氣笑謂慘過拍攝武打片，就連 自命過度活躍的阿Sa亦甘拜下風。

阿嬌想搵混血老公

阿Sa又自爆最叻託管BB：「我幾歲時試過同一歲表妹留屋企，表妹喊足兩個鐘，我就載歌載舞表演足兩個鐘，最後到表妹收聲！」而五官精緻的阿嬌則 說：「細個我成日都想父母突然話我係混血兒『身世大秘密』，等二十幾年都冇，我諗真係我妙想天開！」阿嬌亦自言希望將來與一個混血兒結婚生仔，但阿 Sa笑言自己思想傳統，非亞洲人不嫁。