Twins為新碟舉行簽唱會 (10.16)

Twins昨日舉行簽唱會，十位工作人員十面埋伏，現場更有兩警壓陣，讓孖妹毫無避忌地與Fans肩並肩合照，她們更請男Fans上台和她們一起切燒豬，有機會摸到孖妹手仔！

昨日Twins為新碟《Ho Hoo Tan》在大埔超級城舉行簽唱會，吸引逾千Fans圍觀，場面墟。除商場保安外，英皇更安排十位工作人員貼身保護，以免重蹈官恩娜被狂迷強吻的覆轍，Twins可放心與Fans膊掂膊合照，更有Fans索取簽名時激動落淚。

手上鑽飾母親所贈

簽名會上有兩警壓場，問到是否加強保安？蔡卓妍（阿Sa）說：「我會提高警覺，如果有事發生，我真係會癲！一定會打人，咀喎！所以好戥Ella慘。」阿 Sa更自爆到場落車時不小心跌倒，即時雙膝地，膝蓋都腫起來：「好痛呀！仲畀Fans影相，好驚佢會寄去雜誌，真係好瘀。」

此外，自與林孝賢（Lester）的「林嬌戀」傳出後，阿嬌被指突然變得身光頸靚，昨日她右手戴鑽石手鏈和鑽戒，阿嬌指鑽鏈為母親所送，對於「林嬌戀」 她說：「我識佢妹妹先，我同Lester唔係同學，亦冇單獨出過街。（成班人唱K呢？）好少，我都唔出街。（佢係咪想追你？）冇！反而戥佢好慘，見報後 我有通電話，佢話唔敢出街，我勸佢照去，但佢好似一言難盡。」阿Sa插嘴說：「佢兩個日日畀狗仔隊跟。」阿嬌說：「Lester冇追求之意，佢對個個朋 友都係咁，總之我工作好忙，根本冇時間拍拖。」