Twins傳短訊撐華仔 (4.04)

《甜心粉絲王》前晚舉行首映禮，除了演員蔡卓妍（阿Sa）、古巨基、鄭嘉穎、張致恆（Steven）、王浩信、導演葛民輝（阿葛）、王晶及女兒王子涵出席 外，鍾欣桐（阿嬌）、Sun Boy'Z及一眾無藝員均有出席捧場。Twins指會響應網上發起的「八萬簽名大行動」，力勸華仔勿與癡情女狂迷見面。而基仔同樣力撐華仔，指「沉迷偶 像是一種病」。

　　【新報訊】記者劉安妮報道﹕眾演員於台上談及拍攝感受大放笑彈，阿Sa笑指導演阿葛「好拍得」，一開工便不願停，就算前晚見到對方亦覺膽怯。阿葛即反擊說﹕「我以為你開工Mood到，原來你係扭眼，個表情好似王家衛拍劉膠（嘉）玲咁，原來係打『喊露』。」
　　基仔亦大講有味笑話說﹕「阿葛好鍾意磨爛蓆，但床戲又唔磨。」阿葛即解說﹕「我安排床戲畀佢，驚佢磨爛張床。」Steven則投訴阿葛經常搞笑，之前出席活動更被對方逗得笑到胃痛。
　　阿Sa穿的民族裝側面開高叉露腰，她笑言服裝是母親所買，並大讚母親越來越有品味。阿Sa和母親亦有交換衫穿。她笑言﹕「老豆仲嚴重，佢之前送 件中間有閃片心心衫畀我，我一直都冇過，直至一次為演唱會拍短片先用得，當時我同阿嬌要扮鄉下走出，從此之後老豆就冇買過衫畀我。」

上網簽名支持

　　另外，提到「亡父狂迷」計劃再度來香港，阿Sa表示得悉網上發起「八萬簽名大行動」，力勸華仔不要約見該名女Fans，阿Sa和阿嬌均表示會上網簽名 支持。問到阿Sa會否叫埋鄭中基一起簽名﹖她說﹕「越多人支持越好。」阿Sa表示之前亦有傳短訊慰問華仔，華仔回覆「多謝關心」。
　　阿Sa和阿嬌均覺得華仔不應該見該名Fans，因此舉可能令其他Fans有樣學樣，變成一種風氣。阿Sa又力撐華仔沒有做錯，在她眼中華仔於圈中是對 待Fans最好的藝人，她自命亦不及對方。而阿嬌亦覺得該名女Fans該檢討一下。阿Sa覺得沒有可能滿足所有Fans要求，她說﹕「唔通歌迷要同我結 婚，我就要結婚，真係有試過呢情況。」
　　至於基仔亦表示一直也支持華仔，他覺得華仔的處境十分無辜。問到有何更好方法免再刺激該狂迷行為﹖基仔想了想說﹕「呢條問題真係好深。」基仔表示於片中有句對白是「沉迷偶像是一種病」，他呼籲鍾意偶像不要太過沉迷，他亦不時呼籲歌迷不要為追星影響正常生活及擇偶。